Мамука Мдинарадзе – Фæстаг рæстæджы Гуырдзыстоны паддзахадон æдасдзинады куыст нысаниуæгджын нымад райста суанг бирæ стырдæр бæстæты рагсгарæн куыстытæй, кæцытæн ис егъау истори

Гуырдзыстоны паддзахадон æдасдзинады куыст фæстаг рæстæджы нысаниуæгджын нымад райста, суанг хъæздыг историтимæ бирæ стырдæр бæстæты спецслужбæтæй дæр. Уый фæдыл Гуырдзыстоны премьер-министры хæдивæг æмæ барадхъахъхъæнæг органты координацийы паддзахадон министр Мамука Мдинарадзе хицауады администрацийы брифингыл расидтис.

Йæ ныхасмæ гæсгæ, Паддзахадон æдасдзинады куыст алы мæй дæсгай ног персонал æрбакæны, кæцы реформæйæн фадат дæтты йæ кадртæ сног кæнын æмæ æрыгондæр кæнынæн, цæмæй æнтыстджынæй адарддæр уа.

«Кæй зæгъын æй хъæуы, мæн фæнды банысан кæнон Гуырдзыстоны паддзахадон æдасдзинады куысты тынг æнтыстджын куыст дæр. Æрмæст фæстаг дыууæ мæйы дæргъы æхсæз адæймаджы æфхæрд æрцыдысты шпионажы аххосагæй æндæр æмæ æндæр бæстæты спецслужбæтæн, кæцытæ сты кæрæдзиимæ конфликты. Зындгонд куыд у, афтæмæй, развæдсгарæн куысты конкретон характер хынцгæйæ, ахæм ныфсхаст уынаффæ цыбыр рæстæгмæ райсын суанг нысаниуæгджын зындзинæдтæ æвзæрын кодта дунейы раззагдæр развæдсгарæн уагдæттæ фæстаг дæсгай азты.

Ацы рæстæджы дæргъы æртæ адæймаджы æрцахстой террористон организацийы хайадистæй. Паддзахадон æдасдзинады службæ дæр дарддæр кæны коррупцийы ныхмæ æнтыстджын куыст. Гуырдзыстоны историйы фыццаг хатт паддзахадон æдасдзинады академийæн барлæвæрд æрцæудзæн магистратурæйы программæ бавдисын æмæ æдасдзинады фадыджы магистр къæпхæн раттын.

Паддзахадон æдасдзинады куыст алы мæй дæр йæхимæ æрбакæны дæсгай ног кусджыты, цæмæй кадрты реформæ æнтыстджынæй адарддæр уа. Æнæдызæрдыгæй зæгъæн ис, æмæ лæггады райсгæ информацийы бæрц рæзы динамикон æгъдауæй, зæгъæн ис, æмæ æрвылбон дæр. Зынгæ хуыздæр кæнынц материалон-техникон бындур, стæй сæрмагонд службæты куыстæн цы техникон кусæнгæрзтæ хъæуы, уыдоны хæрзхъæддзинад. «Æвæццæгæн нæ хъæуы ацы фарстайыл деталонæй æрлæууын, фæлæ мæ бон у зæгъын, цæмæй фæстаг рæстæджы, Гуырдзыстоны паддзахадон æдасдзинады куыст нысаниуæгджын нымад райста суанг бирæ стырдæр бæстæты развæдсгарæн куыстытæй, кæцытæн ис дæргъвæтин истори», -расидтис Мамука Мдинарадзе.