Ağır şəraitdə olan ailələrə yaşayış sahələrinin verilməsi ilə bağlı qərar ötən il verilib, bu gün rəsmiləşdirilib, bunun seçki ili ilə heç bir əlaqəsi yoxdur – Gürcüstanın səhiyyə naziri Zurab Azaraşvili Hökumət Administrasiyasında keçirilən brifinqdə bu haqda açıqlayıb.

Media nümayəndəsi Azaraşviliyə müraciət edib: “Opponentlər hökumətin qərarını seçki ili ilə əlaqələndirə və bunu seçki üçün inzibati resurslardan istifadə cəhdi kimi qiymətləndirə bilərlər. Buna cavabınız nə olardı?”

Azaraşvili, vəsaitin ağır vəziyyətdə olan ailələrin yaşayış sahəsi ilə təmin olunması üçün konkret məqsədlə ayrılacağını bildirib.

“Seçki ili olması o demək deyil ki, biz heç nə etməməliyik. Bu qərar 2024-cü ilin ilk hökumət iclasında rəsmiləşdirildi, hərçənd munisipalitetlərdən müxtəlif məlumatların alınması, layihənin dizaynı üzərində iş və s. əvvəlki il ərzində aparılırdı. Müvafiq olaraq, qərar xeyli əvvəl qəbul edilib, bu gün sadəcə olaraq rəsmiləşdirilib, çünki bu il proqram artıq başlayır. Müvafiq olaraq, bunun seçki ili ilə heç bir əlaqəsi yoxdur. Belə ailələrin yaşayış sahəsi ilə təmin olunması üçün vəsait konkret məqsədlə ayrılacaq” – Zurab Azaraşvili bildirib.

Hökumətin qərarına əsasən, ağır həyat şəraitində olan 1000 ailəyə dövlət tərəfindən yeni yaşayış sahələri veriləcək.