Zuqdidi Meriyası ərazisində bazar alverçilərinin aksiyası başa çatıb. Merin müavinləri Besik Chejia və Maizer Nanava aksiya iştirakçıları ilə görüşüblər və bir həftə ərzində küçə ticarəti problemini həll edəcəklərinə söz veriblər.

Bazar alverçiləri bu gündən küçə ticarətinə qadağa qoyulmasını tələb edirdilər, lakin yekunda problemin bir həftə ərzində həll ediləcəyi ilə bağlı təklif alıblar.

“Meriyanın bir həftəyə həll edəcəkləri vədinə etibar edə bilmərik. İllərdir bizə söz verirlər. Biz bu həftə hər gün aksiyalar keçirəcəyik və problem həll olunana qədər davam edəcəyik” – deyə aksiya iştirakçılarından biri İa Kvaratsxelia açıqlayıb.

Bununla yanaşı, Zuqdidi merinin müavini Besik Chejia bunu bir gündə həll etməyin mümkün olmadığını, çünki küçə ticarəti ilə məşğul olanların əsasən sosial cəhətdən həssas olduqlarını bildirib.

“Onlar da bizim vətəndaşlarımızdır. İşləmək üçün yer tapmalıyıq”- deyə merin müavini açıqlayıb.

Zuqdidi bazarının ərazisində küçə ticarətinə qadağa qoyulmasını tələb edən alverçilər səhər saatlarından meriya ərazisində aksiya keçirirdilər. Aksiya iştirakçıları qeyd ediblər ki, küçə ticarəti ilə məşğul olanlar işləmək üçün bazarın ərazisinə daxil olmalıdırlar, çünki alıcı məhz bazarın yaxınlığından istədiyi malı aldığı üçün daxili əraziyə daxil olmur.