Zuqdidi Botanika Bağının reabilitasiya işləri başladı.

Layihə çərçivəsində bağın ərazisində mövcud olan binanın bərpası, su ilə təminetmə sisteminin, mövcud olan suni gölün su ilə təmin edilməsinin təşkili nəzərdə tutulub.

Nazirliyin məlumatına görə, gəzmək üçün cığırlar düzəldiləcək və ictimai tualetlər tikiləcək. Girişdə kassa və mühafizə otağı təşkil ediləcək.

Zuqdidi Botanika Bağı (dron ilə çəkilmiş videomaterial)

Bölgə İnkişaf və İnfrastruktur naziri, Zurab Alavidzenin bəyan etdiyinə görə, Zuqdidinin yeniləşdirilmiş və müasir infrastrukturlu, abadlaşdırılmış Botanika Bağı olacaqdır.

Nazirin dediyinə görə, qeyd olunan layihənin həyata keçirilməsi bölgənin turust potensialının daha artırılması üçün əhəmiyyətlidir.

Reabilitasiya işləri 2019-cu ilin iyununda başa çatacaq. İşləri Gürcüstan Munisipal İnkişaf Fondu həyata keçirəcək.

Layihəni Dünya Bankı maliyyələşdirir və ümumi dəyəri 12 milyon laridir.