Gürcüstan parlamenti əlavə təhlükəsizlik tədbirləri ilə bağlı bəyanat yayıb.

Qanunverici orqanın bəyanatında qeyd edildiyi kimi, bu gün ziyarətçilərin parlamentə girişi məhdudlaşdırılıb.

“Bu ilin sentyabrın 22-də Gürcüstan parlamenti sədrinin 4 sentyabr 2023-cü il tarixli  “Gürcüstanın Parlament Sarayında təhlükəsizlik qaydalarının təsdiq edilməsi haqqında” N1/259/23 sərəncamına uyğun olaraq Gürcüstanın Parlament Sarayında sarı səviyyə təhlükəsizlik tədbirləri qüvvədə olacaq – ziyarətçilərin Parlament Sarayına girişi məhdudlaşdırılıb. Məhdudiyyət akkreditasiyadan keçmiş parlament jurnalistlərinə şamil edilmir.

Sözügedən tədbirin məqsədi Gürcüstan Parlamenti Sarayında təhlükəsiz və iş mühitinin təmin edilməsidir”, – parlamentin bəyanatında deyilir.

Bu gün parlamentdə daxili işlər naziri Vaxtanq Qomelauri və iqtisadiyyat və davamlı inkişaf naziri Levan Davitaşvili interpelasiya yolu ilə dinləniləcək.