Gürcüstan Prokurorluğu qəsdən adam öldürmə faktı üzrə bir nəfər barəsində ittiham irəli sürüb.

İstintaq orqanı tərəfindən verilən məlumatda Daxili İşlər Nazirliyinin apardığı istintaqla oktyabrın 30-da Zestaponi munisipalitetinin Tsiplavake kəndində təqsirləndirilən şəxsin mübahisə zamanı ov tüfəngindən açdığı atəşlə zərərçəkmişə qarın nahiyəsindən xəsarətin yetirdiyinin müəyyən edildiyi deyilir. Aldığı xəsarətlər nəticəsində zərərçəkmiş xəstəxanaya aparıldıqdan sonra dünyasını dəyişib.

“Hüquq-mühafizə orqanlarının əməkdaşları təqsirləndirilən şəxsi elə həmin gün saxlayıblar. O, Gürcüstan Cinayət Məcəlləsinin 10 ildən 15 ilədək həbsi nəzərdə tutan 108-ci (qəsdən adam öldürmə) maddəsi ilə ittiham olunub.

Prokurorluq təqsirləndirilən şəxs barəsində həbs qətimkan tədbiri seçilməsi barədə vəsatətlə qanunla müəyyən edilmiş müddətdə məhkəməyə müraciət edəcək” – deyə prokurorluğun məlumatında qeyd olunub.