Yuri Uşakov Vladimir Putinin Çində keçiriləcək APEC sammitində Donald Trampla görüşə biləcəyini bildirir

Rusiya Prezidenti Vladimir Putin Çində keçiriləcək APEC (Asiya-Sakit Okean İqtisadi Əməkdaşlığı) sammitində amerikalı həmkarı Donald Tramp ilə görüşə bilər, – bu barədə Rusiya Prezidentinin köməkçisi Yuri Uşakov “Vesti” nəşrinə bildirib.

“Hər bir lider APEC sammitində iştirak etməyi planlaşdırır. Biz, əlbəttə ki, liderlərimiz üçün ayrıca görüşlər, o cümlədən, təbii ki, cənab Si Dzinpin ilə görüş planlaşdırmağa çalışacağıq. Və əgər imkan yaranarsa, liderimiz ABŞ Prezidenti ilə də görüşəcək”, – deyə Uşakov bildirib.

Uşakov həmçinin qeyd edib ki, əgər Putin və Tramp arasında görüş baş tutarsa, dialoqun məzmunu və mövzuları görüşün müddətindən asılı olacaq.

“15 dəqiqə, yoxsa bir saat yarım danışacaqlarını bilmirəm. Cədvəlin necə inkişaf edəcəyini kim bilir”, – Uşakov qeyd edib.

Asiya-Sakit Okean İqtisadi Əməkdaşlıq Forumu liderlərinin 33-cü illik toplantısı (APEC sammiti) 18-19 noyabr 2026-cı il tarixində Çinin Quandun əyalətinin Şenjen şəhərində keçiriləcək. Sammitdə 21 üzv ölkənin liderləri iştirak edəcəklər.