Yeni il işıqlarının quraşdırılması ilə əlaqədar olaraq Ketevan Dedopali prospektində Avlabari meydanından Lex Kaçinski küçəsinin kəsişməsinə qədər avtomobillərin hərəkəti müvəqqəti olaraq məhdudlaşdırılacaq. Bu barədə “Tbilservic Group”un bəyanatında qeyd olunub.

Onların məlumatına görə, məhdudiyyət noyabrın 19-u və 20-si saat 00:00-dan 06:00-dək qüvvədə olacaq.

“Qeyd olunan müddət ərzində nəqliyyat vasitələri İrbaxi, Tsurtsumia, Zurabaşvili və Kaçinski küçələri ilə hərəkət edə biləcəklər. Avtomobil hərəkəti Kaçinski küçəsindən həm Boçormi küçəsi, həm də Ketevan Dedopali prospekti istiqamətində (sola dönmə ilə) mümkün olacaq.

Bundan başqa, avtomobil sürücüləri Telavi küçəsindən Boçormi küçəsinə, həmçinin, İalbuzi küçəsindən Kürün sol sahili istiqamətində hərəkət edəcəklər”, – “Tbilservic Group”un bəyanatında qeyd olunub.