Yeni il işıqlarının quraşdırılması ilə əlaqədar olaraq gecə saatlarında Melikişvili prospektində nəqliyyatın hərəkəti məhdudlaşdırılacaq

18:01, 20.11.2024

Noyabrın 21-də saat 00:00-dan 06:00-dək Yeni il işıqlarının quraşdırılması işləri ilə əlaqədar Melikişvili prospektində avtonəqliyyat vasitələrinin hərəkəti müvəqqəti məhdudlaşdırılacaq. Bununla bağlı “Tbilservi Group” məlumat yayıb.

“Məhdudiyyət müddətində nəqliyyat vasitələriÇavçavadze prospektindən və Varazişxevidən Kekelidze, Canaşia, Kutateladze, Barnovi və Qardaşlar Kakabadze küçələrindən istifadə etməklə Kostava küçəsi və Rustaveli prospekti istiqamətində hərəkət edə biləcək.

Bundan başqa, Kekelidze küçəsindən gələn axar Melikişvili prospekti istiqamətində hərəkət edə bilməyəcək”. – bəyanatda qeyd olunur.

Müəllif - Emil Aliyev

İctimaiyyət