Paytaxtda Yeni il işıqlandırmalarının təşkili davam edir. Tbilisi meriyasının məlumatına əsasən, bu dəfə Merab Kostava küçəsində planlaşdırılan quraşdırma işləri ilə əlaqədar olaraq noyabrın 22-də saat 00:00-dan 06:00-dək avtomobillərin hərəkəti müvəqqəti olaraq məhdudlaşdırılacaq.

Xüsusilə, avtomobil hərəkətinin məhdudlaşdırılması Tbilisi Dövlət Konsert Zalından Qəhrəmanlar Meydanı istiqamətində, Merab Kostavanın 27 nömrəsindən 59 nömrəsinə qədər olan hissəsində qüvvədə olacaq.

Rustaveli prospektindən gedən avtomobil axını üçün hərəkət etmək Kiaçeli və Axvlediani küçələri vasitəsi ilə mümkün olacaq, Nikoladze küçəsindən sola dönərək sürücülər Rustaveli prospekti və Çovelidze küçəsi istiqamətində hərəkət edəcəklər.