Xüsusi İstintaq Xidməti 2022-ci il üzrə fəaliyyət hesabatını Gürcüstan parlamentinə təqdim edib, hesabatda istintaqa mane olan hallar və onların aradan qaldırılması üçün təqdim olunan tövsiyələrdən bəhs olunur.

Tövsiyələrdən biri video qeydlərin Daxili İşlər Nazirliyindən alınmasına aiddir.

İstintaq təcrübəsinin təhlilinə əsasən, hökm göndərildikdən sonra 112-nin hüquqi aktla müəyyən edilmiş müddətdə xidmətə video qeydləri təqdim etməsinə baxmayaraq, vətəndaşların hüquqlarının pozulması faktlarına daha tez reaksiya verilməsi üçün bu müddətlərin azaldılması və qeydlərin qısa müddətdə çatdırılması zəruridir.

Xüsusi İstintaq Xidməti qeyd olunan tövsiyələr ətrafında hüquq-mühafizə orqanları ilə Məmur Cinayətlərinin Qarşısının Alınması Şurası formatında fəal əməkdaşlıq edir.

Hesabatda qeyd olunduğu kimi, Daxili İşlər Nazirliyinin qərarı əsasında Xüsusi İstintaq Xidmətinin müstəntiqləri Gürcüstanın bütün ərazisində müvəqqəti saxlama təcridxanalarına maneəsiz, heç bir icazə olmadan daxil ola və həbs edilmiş şəxslərlə görüşə bilərlər. Sözügedən qayda ilə bağlı qurumlar arasında razılaşma Xüsusi İstintaq Xidmətinin təşəbbüsü ilə yaradılmış Məmur Cinayətlərinin Qarşısının Alınması Şurası tərəfindən qəbul edilib, bundan sonra da Gürcüstanın daxili işlər nazirinin əmri ilə təsdiq edilib.

Hesabata əsasən, Daxili İşlər Nazirliyi tərəfindən aparılan və müvəqqəti təcridxanaların videokameralarla tam təchiz olunmasını nəzərdə tutan islahat müsbət qiymətləndirilməlidir, bu da düzgün olmayan rəftar faktlarına vaxtında reaksiya verməyə və saxlanılmış şəxslərin hüquqlarının qorunmasına kömək edir.