Xüsusi İstintaq Xidməti Gürcüstan Daxili İşlər Nazirliyinin Mühafizə Polisi Departamentinin müfəttişini qəsdən sağlamlığa daha az ağır xəsarət yetirmə və başqasının əmlakına ziyan vurma faktı üzrə ifşa edib.

“İstintaqla müəyyən edilib ki, 2024-cü ilin fevralın 15-də Qardabani rayonu ərazisində təqsirləndirilən hüquq-mühafizə orqanının əməkdaşı sözlü mübahisə əsasında zərərçəkmişə məxsus avtomobili dəmir əşya ilə zədələyib, bundan sonra isə eyni əşya ilə zərərçəkmişin bədəninin müxtəlif nahiyələrinə fiziki xəsarətlər yetirib.

Xüsusi İstintaq Xidməti zərərçəkmişin müraciətindən sonra dərhal təxirəsalınmaz istintaq-əməliyyat tədbirləri həyata keçirib. Faktın şahidi olan şəxslər dindirilib, qəza yerinə və zədələnmiş avtomobilə baxış keçirilib, müxtəlif maddi sübut götürülüb, daha sonra mühafizə polisi müfəttişinə Gürcüstanın Cinayət Məcəlləsinin 118-ci maddəsinin birinci hissəsi və 187-ci maddəsinin birinci hissəsi ilə ittiham irəli sürülüb.

Cinayət beş ilə qədər azadlıqdan məhrum etməylə cəzalandırılmağı nəzərdə tutur. Xüsusi İstintaq Xidməti faktla bağlı istintaqı davam etdirir.