Xarici İşlər Nazirliyində Ukrayna məsələləri üzrə müvəqqəti qəyyum Andrey Kasianov ilə görüş keçirilib. Diplomat Ukrayna Müdafiə Nazirliyinin Kəşfiyyat Xidməti tərəfindən yayılmış məlumatla əlaqədar Xarici İşlər Nazirliyinə çağırılıb. Bu barədə Gürcüstan Xarici İşlər Nazirliyi məlumat yayır.

İdarənin məlumatına görə, görüşdə nazir müavini Teimuraz Cancalia bir daha Gürcüstan tərəfinin oxşar məzmunlu ittihamlardan narazılığını ifadə edib və qeyd edib ki, bu cür yoxlanılmamış faktlara əsaslanan məlumatların yayılması iki ölkə arasında tərəfdaşlıq münasibətlərinə xələl gətirir.

Həmçinin, XİN-in məlumatına görə, Ukrayna məsələləri üzrə müvəqqəti qəyyumdan Ukrayna Müdafiə Nazirliyinin Kəşfiyyat Xidməti tərəfindən yayılmış məlumatla əlaqədar faktlara əsaslanan izahatlar və sübutların vaxtında təqdim edilməsi xahiş olunub, üstəlik nəzərə alsaq ki, Ukrayna tərəfi ölkənin Müdafiə Nazirliyinin Kəşfiyyat Xidmətinin oxşar məzmunlu əvvəlki ittihamları ilə əlaqədar sübutlar təqdim edə bilməmişdi.

“Qeyd etmək lazımdır ki, Xarici İşlər Nazirliyində keçirilən görüşdə ukraynalı diplomat Ukrayna Kəşfiyyat Xidməti tərəfindən yayılmış bəyanatla bağlı indiki mərhələdə müvafiq cavabının olmadığını bildirərək, paytaxta müvafiq bildiriş göndərəcəyini qeyd edib. Görüşdə Gürcüstanın Ukraynaya və Ukrayna xalqına sarsılmaz dəstəyi bir daha vurğulanıb. Andrey Kasianov beynəlxalq təşkilatlar çərçivəsində Ukraynanı dəstəkləyən qətnamə və bəyanatlara, humanitar yardıma görə Gürcüstana minnətdarlığını bildirib” -deyə yayılmış məlumatda deyilir.