Xavier Kolomina - NATO Gürcüstanın Abxaziya bölgəsində keçirilən seçkilərin legitimliyini tanımır

14:35, 14.03.2022

NATO baş katibinin Qafqaz və Mərkəzi Asiya üzrə xüsusi nümayəndəsi Xavier Kolomina işğal altındakı Abxaziyada qondarma “parlament seçkiləri”-nin keçirilməsi məsələsinə münasibət bildirib.

Xavier Kolominanın sözlərinə görə, NATO seçkinin legitimliyini tanımır.

” NATO Gürcüstanın Abxaziya bölgəsində şənbə günü keçirilən seçkilərin legitimliyini tanımır. Alyans Gürcüstanın beynəlxalq səviyyədə tanınmış sərhədləri daxilində suverenliyini və ərazi bütövlüyünü dəstəkləməyə davam edir”-bu barədə NATO baş katibinin Qafqaz və Mərkəzi Asiya üzrə xüsusi nümayəndəsi Xavier Kolomina Twitter səhifəsində yazır.

Martın 12-də işğal olunmuş Abxaziyada qondarma “parlament seçki”-ləri keçirilib.

Müəllif - Sevinj Mustafaeva

Münaqişələr

Siyasət