Vitse-spikerin olduqca səmimi şəkildə qarşılaması və onun hər bir sözü Lüksemburqun Avropa yolunda tərəfdaşımız olduğunu göstərirdi- bu barədə müxalifətçi deputat Xatuna Samnidze Gürcüstan parlamentinin nümayəndə heyətinin Lüksemburq parlamentində görüşündən danışarkən açıqlayıb.

Xatuna Samnidze islahatların aparılması və Gürcüstanın Avropa perspektivini gücləndirmək üçün tərəfdaşlarla görüşün vacib olduğunu bildirib.

“Avropa yolumuzda və bu perspektivi gücləndirmək, islahatlar həyata keçirmək üçün tərəfdaşlarla görüşmək, tövsiyə edilən məsələlərin həllində onların dəstəyi çox vacibdir. Bütün məsələlər barədə danışdıq. Vitse-spikerin olduqca səmimi şəkildə qarşılaması və onun hər bir sözü Lüksemburqun Avropa yolunda tərəfdaşımız olduğunu göstərirdi. Görüş zamanı ölkədəki çağırışlardan, eləcə də regionda cərəyan edən proseslərdən və Rusiyadan təkcə bütün sivil Avropaya deyil, həm də Gürcüstana gələn təhlükədən danışanda xüsusilə böyük dəstək hiss olunurdu” – deyə Xatuna Samnidze açıqlayıb.