İmpiçmentin sona qədər aparılacağına inanmıram, çünki hakim komanda indiki mərhələdə lazımi 100 səsə malik olmadığını yaxşı bilir, bu, avantüradır, proses xatirinə prosesdir- bu barədə müxalifətçi deputat, Xatia Dekanoidze açıqlayıb.

O bildirib ki, impiçment məsələsi yaxınlaşanda beynəlxalq tərəfdaşlar Salome Zurabişvili ilə bağlı bəyanatlar verəcək və bu, “Gürcü Arzusu”nun anti-qərb bəyanatları ilə müşaiyət olunacaq.

“Bütün bunlar informasiya xaosu yaratmağa və diqqəti yayındırmağa xidmət edir. Bu, radikallaşma-qütbləşmə olacaq. İmpiçment məsələsi yaxınlaşanda beynəlxalq tərəfdaşlar Salome Zurabişvili ilə bağlı bəyanatlar verəcək və bu, “Gürcü Arzusu”nun anti-qərb bəyanatları ilə müşaiyət olunacaq. Düşünürəm ki, impiçmentə başlamaq Bidzina İvanişvilinin şəxsi inadkarlığıdır, çünki bu məsələyə dövlətçilik nöqteyi-nəzərdən deyil, şəxsi məsələ kimi baxır və Salome Zurabişvilini ukraynayönlü bəyanatlarına görə cəzalandırmaq istəyir”-deyə Dekanoidze açıqlayıb.