Çinlə münasibətlər vacibdir, lakin “Gürcü Arzusu” Avropa partiyalarının ailəsindən qovularkən və Çin Kommunist Partiyası hakim partiyanın yeganə beynəlxalq tərəfdaşına çevrildikdə, bu, olduqca təhlükəlidir -bu barədə müxalifətçi deputat Xatia Dekanoidze danışıb.

Dekanoidze bildirib ki, Çinlə münasibətlər olduqca vacibdir və bunu heç kim inkar etmir.

“Bizim Çinlə iqtisadi əlaqələrimiz uzun müddətdir mövcuddur, lakin Avropa Komissiyasının tövsiyəsində ilk şərt xarici siyasətin məhz Avropa İttifaqı ilə uyğunlaşdırılmasıdır və Çin Gürcüstanın yeganə beynəlxalq tərəfdaşı ola bilməz. Beynəlxalq tərəfdaşlar Gürcüstanı gələcək Aİ üzvü kimi lobbiçilik edən Amerika, Aİ və NATO üzvü ölkələr olmalıdır. Çinlə münasibətlər vacibdir, lakin “Gürcü Arzusu” Avropa partiyalarının ailəsindən qovularkən və Çin Kommunist Partiyası hakim partiyanın yeganə beynəlxalq tərəfdaşına çevrildikdə, bu, olduqca təhlükəlidir. Xüsusən də Avropa İttifaqı ilə danışıqların başlanmasından əvvəlki dövrdə”- Dekanoidze açıqlayıb.

“Gürcü Arzusu”nun sədri İrakli Kobaxidzenin rəhbərliyi ilə hakim partiyanın nümayəndə heyəti Çində səfərdədir.