Xarici əlaqələr, müdafiə və təhlükəsizlik komitələrinin birgə iclasında “Xarici təsirin şəffaflığı haqqında” və “Xarici agentin aktının qeydiyyatı haqqında” qanun layihələrinin müzakirəsi başa çatıb. Qanun layihələri müzakirə edilməsi üçün aparıcı Hüquq Məsələləri Komitəsinə göndərilib.

Ehtimal ki, gələn həftə Hüquq Məsələləri Komitəsi qanun layihələrini müzakirə edəcək. Prosedura əsasən qanun layihələri birinci oxunuşda plenar iclasa çıxarılmalıdır. Qanun layihələri plenar iclas formatında gələn həftə müzakirə ediləcək.

Bir neçə həftə əvvəl “Xalqın Gücü” hərəkatı parlamentdə “Xarici təsirin şəffaflığı haqqında” qanun layihəsinin təşəbbüsünü irəli sürüb. “Xalqın Gücü”nün nümayəndələrinin qeyd etdiyi kimi, xarici təsirin şəffaflığını təmin etmək məqsədilə gəlirinin 20%-dən çoxu xarici qüvvə tərəfindən maliyyələşdirilən qeyri-sahibkar hüquqi şəxs və KİV-lərin qeydiyyatdan keçiriləcəyi xarici təsir agentlərinin reyestri yaradılacaq. Verilmiş məlumatda yuxarıda bəhsi keçən subyektlərin xarici təsir agenti kimi qeydiyyata alınması məsələsinin Dövlət Milli Reyestr Agentliyi tərəfindən təmin ediləcəyi, qeydiyyatdan yayınan subyektlər üçün isə müvafiq inzibati cərimələrin nəzərdə tutulduğu deyilir. Bununla yanaşı, “Xalqın Gücü”nün üzvləri cərimənin ödənilməsinin subyekti xarici təsir agenti kimi qeydiyyatdan keçmək öhdəliyindən azad etmədiyini bildirirlər.

Daha sonra “Xalqın Gücü” hərəkatı “Xarici agentin aktının qeydiyyatı haqqında” daha bir qanun layihəsinin təşəbbüskarı olub, onlar bunun Amerika qanununun dəqiq tərcüməsi olduğunu açıqlayıblar.