Volodimir Zelenski – Ukrayna müharibəni başa çatdırmaq üçün Vladimir Putin ilə danışıqlara hazırdır. Lakin güclü mövqeyə sahib olmağımız üçün Avropa İttifaqından daha fəal fəaliyyət tələb olunur

Volodimir Zelenski bəyan edib ki, ölkəsi müharibəni başa çatdırmaq üçün Vladimir Putin ilə danışıqlara hazırdır, lakin bunun üçün Avropanın daha fəal hərəkət etməsinin vacib olduğunu vurğulayıb.

Audio müraciətində Zelenski Rusiya prezidentini “dəli” adlandırıb və bildirib ki, Vladimir Putin Ukraynada olan hər şeyi məhv etmək istəyir.

“Putin sahib olduğumuz hər şeyi yandırmaq istəyir, o dəlidir və bunu tərəfdaşlarımız da yaxşı bilir. Buna baxmayaraq, Ukrayna onunla danışıqlara hazırdır. Lakin bizim güclü mövqeyə malik olmağımız üçün Avropadan daha fəal addımlar tələb olunur”, – deyə Ukrayna prezidenti qeyd edib.

Zelenskinin sözlərinə görə, Avropa İttifaqı Rusiyaya qarşı sanksiyaları boşluqlara yol vermədən tətbiq etməli və Ukraynanın tam maliyyələşdirilməsini təmin etməlidir.