Müharibəni Rusiya da hiss etməlidir – bu haqda Ukraynanın Prezidenti Volodimir Zelenski gündəlik video müraciətində deyib.

Eyni zamanda, Zelenski ukraynalı əsgərlərə ölkənin mövqelərini qoruduqlarına və müdafiə tapşırıqlarını yerinə yetirdiklərinə görə minnətdarlığını bildirib.

“Ukraynalılar öz məqsədlərinə nail ola bilərlər və müharibədə məqsədlərimizə çatmağı biz seçməmişik. Torpağımıza müharibəni Rusiya gətirdi və nə etdiyini hiss etməlidir. Biz sülh dövründə – ədalətli dünyada məqsədlərimizə mümkün qədər sürətlə çatmağa çalışırıq və belə də olacaq” – Volodimir Zelenski videomüraciətində qeyd edib.

Məlumat üçün bildirək ki, rus tərəfi avqustun 6-da Ukrayna tərəfindən Kursk vilayətinə daxil olma cəhdi barədə bəyan etmişdi. Kursk vilayətində cari hadisələrə ilk şərhini Rusiyanın Prezidenti avqustun 7-də verib və hadisəni “genişmiqyaslı təxribat” adlandırıb. Rəsmi məlumata əsasən, Kurskda üç gün davam edən döyüşlər zamanı dörd yerli sakin həlak olub. Yayılmış məlumatlarda, döyüş əməliyyatları zonasından insanların təxliyə edildiyi deyilir.