Volodimir Zelenski – Ruslar öz zərbələri ilə göstərdilər ki, bizim hər şeyi hazırlamağımıza və hava limanlarımızın işləməsinə baxmayaraq, Uitkoff və Kuşner təyyarədən istifadə edə bilməzlər

Ukrayna Prezidenti Volodimir Zelenski bildirir ki, Ukrayna tərəfi hava limanında ABŞ Prezidenti Donald Trampın nümayəndələri Stiv Uitkoff və Trampın kürəkəni Cared Kuşneri qarşılamağa hazırlaşırdı, lakin Rusiyadan gələn təhlükə səbəbindən bu, baş tutmadı.

“Təəssüf ki, ruslar öz zərbələri ilə göstərdilər ki, bizim hər şeyi hazırlamağımıza və hava limanlarımızın işləməsinə baxmayaraq, Uitkoff və Kuşner təyyarədən istifadə edə bilməzlər. Düşünürəm ki, bunu ətraflı müzakirə etmək imkanımız olacaq”, – Zelenski danışıqlar aparanlarla görüşməzdən əvvəl bildirib.

Donald Trampın xüsusi nümayəndələri Kiyevə qatarla gəliblər. Bu, Kuşner və Uitkoffun danışıqlar aparan şəxslər qismində Ukrayna paytaxtına ilk rəsmi səfəridir.