Rusiya onilliklər ərzində müharibələrə başlamaqla və müharibələri dondurmaqla qonşu xalqlar üzərində nəzarəti saxlamağa çalışıb-bu barədə Ukrayna Prezidenti Volodimir Zelenski Avropa Siyasi Birliyinin üçüncü zirvə toplantısının keçirildiyi İspaniyada danışıb.

Zelenskinin qeyd etdiyi kimi, Rusiya Moldovaya zərər vurdu, Gürcüstanı parçalamağa çalışdı, Qafqazın digər hissələrinin sabitliyini pozdu, Belarusu boğmağa və parçalarını Ukraynanın bədənindən ayırmağa çalışır.

“Rusiyanın hər hansı bir şəkildə əleyhinə hərəkət etdiyi hər bir xalq, hər bir ölkə müdaxilə və ya işğaldan əziyyət çəkir. Hamımız xüsusi bir şəkildə, xüsusi əməkdaşlıqda birləşməliyik. Kremlin artıq həyatını məhv etməyə çalışdığı xalqlara bizim hamımızın bir növ yardımı lazımdır ki, Rusiya xarabalıqları başqa yerə yaymasın. Bütün bu ölkələrin iqtisadi dəstəyə, təhlükəsizlik zəmanətinə ehtiyacı var ki, Rusiya onların suverenliyini pozmaq istəməsin”- Zelenski bildirib.