İşğalçılar vəhşilik elan edirlər, çünki heç bir reaksiya yoxdur, səssizlik var, bir kəlmə də yoxdur, sanki Qərb liderləri yoxa çıxıblar -deyə Ukrayna prezidenti Volodimir Zelenski bildirib.

Zelenski bildirib ki, heç bir dünya lideri və ya Qərb siyasətçisi Rusiyanın Ukraynanın hərbi-sənaye kompleksini bombalamaqla bağlı hədəsinə münasibət bildirməyib.

“Rusiya ərazimizin bombalanmasını, müdafiə kompleksimizin müəssisələrinin bombalanmasını rəsmən bəyan edib. Onların əksəriyyəti hələ Sovet hakimiyyəti illərində şəhərlərdə tikilib. İndi isə onlar normal şəhər mühitinin ortasındadırlar. Orada minlərlə insan işləyir, yüz minlərlə insan oradaca yaşayır. Bu qətldir, qəsdən adam öldürməkdir. Mən heç bir dünya liderinin və ya Qərb siyasətçisinin bu açıqlamaya reaksiyasını eşitməmişəm. İşğalçıların cəzasızlıq hissini düşünün: onlar vəhşiliklər planlaşdırırlar. Niyə? Çünki reaksiya yoxdur, çünki susqunluq hökm sürür, bir kəlmə də yoxdur, sanki Qərb liderləri yoxa çıxıb” – deyə Zelenski bildirib.