Mən bir daha Gürcüstan hakimiyyətini Ukrayna vətəndaşı Mixeil Saakaşvilini lazımi müalicə və qayğı üçün Ukraynaya təhvil verməyə çağırıram -bu barədə Ukrayna Prezidenti Volodimir Zelenski sosial şəbəkədə yazır.

O, Gürcüstan səfirindən 48 saat ərzində Ukraynanı tərk etməsini və Tbilisidə məsləhətləşmələr aparmasını xahiş etdiyini deyib.

“Hazırda Rusiya Gürcüstan hökumətinin əli ilə Ukrayna vətəndaşı Mixeil Saakaşvilini öldürür. Biz dəfələrlə rəsmi Tbilisini bu təhqiri dayandırmağa və Saakaşvilinin Ukraynaya qayıtmasına razılıq verməyə çağırmışıq. Tərəfdaşlarımız Ukrayna ilə koordinasiyada bir sıra həll yolları təklif etdilər. Bu gün mən Xarici İşlər Nazirliyinə göstəriş verdim ki, Gürcüstanın Ukraynadakı səfirini çağırsın, kəskin etirazını bildirsin və ondan Tbilisidə məsləhətləşmələr üçün 48 saat ərzində Ukraynanı tərk etməsini xahiş etsin. Mən bir daha Gürcüstan hakimiyyətini Ukrayna vətəndaşı Mixeil Saakaşvilini lazımi müalicə və qayğı üçün Ukraynaya təhvil verməyə çağırıram. Mən tərəfdaşlarımızı bu vəziyyətlə məşğul olmağa, diqqətdən kənarda qoymamağa və bu şəxsi xilas etməyə çağırıram. Avropada heç bir hökumətin insanı ölümlə cəzalandırmaq hüququ yoxdur, həyat əsas Avropa dəyəridir”-deyə Volodimir Zelenski “Twitter”də yazır.