Qolodomorun anım günündə Ukrayna ilə həmrəyliyinizi yüksək qiymətləndirirəm, – Ukrayna prezidenti Vladimir Zelenski sosial şəbəkədə Gürcüstan prezidenti Salome Zurabişvilinin bəyanatına belə cavab verib.

“Xalqlarımız Moskvanın təcavüzkar siyasətindən çox əziyyət çəkib. Azadlığımızı və xalqımızı qorumaq üçün bir-birimizə dəstək olmalıyıq”, – deyə Zelenski Salome Zurabişviliyə cavab olaraq yazıb.

Bundan əvvəl, noyabrın 25-də Salome Zurabişvili sosial şəbəkədə yazıb: “Biz Qolodomorun anım günündə Ukrayna ilə həmrəyik. Sovet rejiminin terrorunun qurbanlarını hörmətlə yad edirik. 90 ildir zülmkar təcrübələrə qarşı müqavimət bizim kollektiv borcumuz olaraq qalır ki, tarixin təkrarlanmamasını təmin edək”.