Rusiya prezidenti Vladimir Putin iki günlük dövlət səfəri ilə Bakıya gəlib, burada Azərbaycan prezidenti İlham Əliyevlə danışıqlar aparacaq.

Rusiya mediasının məlumatına əsasən, danışıqlar zamanı ölkələr arasında strateji tərəfdaşlıq və müttəfiqlik münasibətlərinin inkişafı məsələləri, həmçinin, aktual beynəlxalq problemlər müzakirə olunacaq.

Putini Bakı hava limanında Azərbaycanın baş nazirinin birinci müavini Yaqub Eyubov və xarici işlər nazirinin müavini Samir Şərifov qarşılayıblar.

Səfər çərçivəsində dövlət başçılarının birgə bəyanatının qəbulu, həmçinin, hökumətlərarası və digər sənədlərin imzalanması planlaşdırılır.

Medianın məlumatına əsasən, səfərin sonunda İlham Əliyev Rusiya prezidentinin şərəfinə dövlət qəbulu keçirəcək.

Rusiya prezidenti Vladimir Putin Azərbaycana sonuncu dəfə 2018-ci ildə səfər etmişdi.