Viktor Orban - İndicə prezident Trampla telefon danışığım oldu, gələcək üçün böyük planlarımız var

15:02, 07.11.2024

Macarıstanın Baş naziri Viktor Orban və Donald Tramp arasında telefon danışığı baş tutub. Bu haqda Orban sosial şəbəkədə yazır.

Macarıstanın Baş nazirinin qeyd etdiyi kimi, bu, onların Amerikada keçirilən prezident seçkilərindən sonra ilk söhbətidir.

“İndicə prezident Trampla seçkilərdən sonra ilk telefon danışığım oldu. Gələcək üçün böyük planlarımız var” – Orban yazır.

Məlumat üçün bildirək ki, Viktor Orban Donald Trampı seçkilərdə qələbəsi münasibətilə təbrik edən ilk liderlərdən biri olub. İlkin məlumatlara əsasən, Amerika Birləşmiş Ştatlarının prezident seçkilərində Respublikaçılar Partiyasının prezidentliyə namizədi Donald Tramp qalib gəlib.

Müəllif - Sevinj Mustafaeva

Dünya