İctimai Yayımçının Qəyyumlar Şurasının sədri Vasil Mağlaperidze Birinci Kanalın fəaliyyəti ilə bağlı deputatlar qarşısında hesabatla çıxış edərkən, etnik azlıqların məlumatlandırılması üçün xüsusi yaradıcılıq resurslarının sərf olunduğunu bildirib.

Vasil Mağlaperidze məqsədi etnik azlıqlara onlar üçün anlaşılan dildə məlumatı əlçatan etmək, inteqrasiya prosesini təşviq etmək olan “Rəngarəng Gürcüstan” layihəsinin xüsusilə vurğulanmalı olduğunu bildirib.

“Ötən il etnik azlıqların dillərində işıqlandırılmış mətn məlumatlarının ümumi sayı 36 091 ədəd, erməni, Azərbaycan və kürd dillərində tərcümə edilmiş və original (həqiqi) video məhsullar isə 26 913 ədəd təşkil edib. Etnik azlıqlar haqqında gürcü dilində işıqlandırılmış mövzuların ümumi sayı 767-dir.

Məqsədi etnik azlıqlara onlar üçün anlaşılan dildə məlumatı əlçatan etmək, inteqrasiya prosesini təşviq etmək, vətəndaş şüurunu artırmaq və müxtəlif mədəniyyətlər arasında dialoqu təşviq etmək olan “Rəngarəng Gürcüstan” layihəsi xüsusilə vurğulanasıdır.
İctimai Yayımçının 1tv.ge veb platforması yeddi dildə fəaliyyət göstərir. Ölkədə və xaricdə baş verən yeni hadisələr paralel rejimdə abxaz, osetin, Azərbaycan, erməni, rus və ingilis dillərinə tərcümə edilir.

“Moambe”nin saat 21:00-a olan əsas xəbər proqramı erməni və Azərbaycan dillərinə sinxron tərcümə olunur; Azərbaycan və erməni dillərində əyləncəli, mədəni, maarifləndirici və uşaq proqramları hazırlanır; 2021-ci ildən İctimai Yayımçı kürd dilində xəbərlər hazırlayır; 2021-ci ildə “Teleməktəb”in efirində xüsusi olaraq qeyri-gürcü dilli məktəblər üçün hazırlanmış gürcü dilinin teledərsləri yayımlanırdı”-deyə V.Mağlaperidze bildirib.