Təxminən iki-üç həftədən sonra biz yekun nəticəyə varacağıq, hansı hadisələrin baş verdiyi ilə bağlı bütün suallara cavab veriləcək, – Milli Ətraf Mühit Agentliyinin rəhbəri Vasil Qedevanişvili Qlola kəndində yerli sakinlərlə görüşdən sonra bu barədə danışıb.

“Adətən belə geniş miqyaslı sürüşmədən sonra müşayiət olunan proseslərlə bağlı hər hansı əlavə təhlükələri istisna etmək üçün mütəxəssislərimiz tərəfindən vadinin monitorinqi və müşahidəsi davam etdiriləcək. Buradaca demək istərdim ki, belə irimiqyaslı sürüşmənin təkrar baş verməsi ilə bağlı ani təhlükə və ya risk praktiki olaraq yoxdur”, – Vasil Qedevanişvili bildirib.

Onun sözlərinə görə, Chanchaxi və Rioni çayında müvafiq səviyyəölçənlər quraşdırılıb, onlar çayda axan suyun səviyyəsini izləyir.

“Müvafiq olaraq, biz bu prosesi daha da aktivləşdirəcəyik. İlkin monitorinq sistemlərini daha da gücləndirmək və gələcəkdə oxşar hadisələr zamanı daha çox müşahidə mexanizmlərinə malik olmaq üçün bir neçə belə cihazın quraşdırılması vəd edilib. Suölçənlər, o cümlədən meteoroloji stansiyalar, iqlim şəraitinin pisləşməsi, yağıntıların artması və ya oxşar hadisələrlə bağlı bizə ilkin məlumat verə biləcək bütün mümkün texniki vasitələr. Çalışacağıq ki, mümkün qədər işi aktivləşdirək. Təxminən iki-üç həftədən sonra yekun nəticəni verəcəyik, hansı hadisələrin baş verdiyi ilə bağlı bütün suallara cavab veriləcək”, – Vasil Qedevanişvili bildirib.