İstəyirəm hər biriniz biləsiniz ki, mən heç kimə sizin ləyaqətinizə və şərəfinizə xələl gətirməyə icazə verməyəcəyəm. İnanın ki, mən hər yerdə və həmişə sizin ləyaqətinizin müdafiəçisi olacağam. – Gürcüstanın daxili işlər naziri Vaxtanq Qomelauri Polis Gününə həsr olunmuş təntənəli tədbirdə çıxışı zamanı polislərə belə müraciət edib.

Qomelaurinin sözlərinə görə, polis məmuru olmaq ölkəyə və vətəndaşlara xüsusi sevgi tələb edir.

“Bu gün polis günüdür. Biz polis əməkdaşları üçün bu, qürur və minnətdarlıq günüdür. Bu gün bir daha sizinlə birlikdə Polis Gününü qeyd etmək şərəfinə nail olanda hər birinizə müraciət etmək istəyirəm ki, heç kimə sizin ləyaqətinizə və şərəfinizə xələl gətirməsinə imkan verməyəcəyəm. İnanın ki, mən hər yerdə və həmişə sizin ləyaqətinizin müdafiəçisi olacağam. Hər kəs polis ola bilməz, bu peşə vətənə, vətəndaşa xüsusi sevgi, lazım gələrsə vətən üçün fədakarlıq, mərdlik, güc tələb edir. Unutmayın, ölkənin güclü, azad olması üçün biz güclü olmalıyıq. Dövlətin maraqlarını ləyaqətlə qorumaq bizim borcumuzdur. Ona görə də biz hər zaman ölkəmizin təhlükəsizliyinin keşiyində möhkəm dayanmalıyıq. İstəyirəm inanasınız ki, mən həm nazir, həm polis, həm də bir vətəndaş kimi sizin yanınızdayam. İstəyirəm ki, siz polis formasını ləyaqətlə geyinəsiniz və Gürcüstana xidmət etdiyinizi həmişə xatırlayasınız”, – Vaxtanq Qomelauri bildirib.