Gürcüstanın daxili işlər naziri Vaxtanq Qomelauri müavinləri ilə birlikdə, 2008-ci ilin Rusiya-Gürcüstan müharibəsinin 14-cü ildönümü ilə əlaqədar, vətənə xidmət uğrunda canlarını fəda etmiş Daxili İşlər Nazirliyinin əməkdaşlarının abidəsi önünə əklil qoyub.

Nazirliyin həyətində Gürcüstanın birliyi uğrunda həlak olan polislərin xatirə abidəsi əklillərlə bəzədilib və müxtəlif şöbələrin rəhbərləri də 2008-ci ilin müharibə qəhrəmanlarının xatirəsini ehtiramla yad ediblər.

14 il əvvəl, Rusiya-Gürcüstan müharibəsi zamanı Daxili İşlər Nazirliyinin 14 əməkdaşı və Sahil Mühafizəsi Xidmətinin 5 əməkdaşı həlak olub. Vaxtanq Qomelaurinin qərarına əsasən, həlak olmuş əməkdaşların uşaqları və ailələrinə ənənəvi olaraq maddi yardım göstərilib.