Gürcüstanın daxili işlər naziri Vaxtanq Qomelaurinin sözlərinə görə, Gürcüstan hökuməti ukraynalı dostların çətin günlərini və dəqiqələrini yüngülləşdirmək üçün əlindən gələni edir.

Onun sözlərinə görə, dünya liderləri, aparıcı ölkələr Ukraynada müharibənin tez bir zamanda dayandırılması üçün mümkün olan hər şeyi etməlidir.

“Mən Ukrayna məsələsinə toxunmaq istəyirəm. Ukraynada vəziyyət çox ağırdır, təəssüf ki, günü-gündən pisləşir. Uşaqlar, qadınlar, qocalar həlak olur. Artıq iki həftəyə yaxındır ki, sakinlər zirzəmilərdə gizlənir, su, işıq yoxdur, yemək problemi var. Bu müharibə təbii ki, ən qısa zamanda bitməli və dünya liderləri, aparıcı ölkələr müharibənin dayandırılması üçün hər şeyi etməlidirlər, artıq qurbanlar olmamalıdırlar. Hökumətimiz ukraynalı dostlarımız üçün çətin günləri və dəqiqələri yüngülləşdirmək üçün əlindən gələni edir”, – Qomelauri deyib.