Gürcüstanın daxili işlər naziri Vaxtanq Qomelauri Borcomi Munisipalitetindəki bütün yanğın ocaqlarının hələlik lokallaşdırılmadığını və yanğının söndürülməsi prosesinə çətin relyef və küləyin maneəçilik törətdiyini bildirir.

O , təyinat yerinə su aparmaq üçün yolun salınması məqsədilə fəlakət bölgəsinə ağır texnikanın səfərbər olunduğunu bildirir.

“Hələlik, əlbəttə ki, bütün yanğın ocaqları lokallaşdırılmayıb, işləyirlər. Dünən külək əsdi və demək olar ki, sönmüş, lokallaşdırılmış yanğın ocağı yenidən alovlanaraq ikinci dağa keçdi. Bu gün də kiçik-kiçik ocaqlar , aktiv ocaqlar var. 1200-dən çox insan işləyir, Daxili İşlər və Müdafiə Nazirliyinin , Ətraf Mühitin Mühafizəsi Nazirliyinin nümayəndələri, eləcə də 110-120 ədəd texnika səfərbər olunub. Müqavimət göstərmək üçün yolun salınması baxımdan texnika, traktorlar səfərbər olunub. Müdafiə Nazirliyinin əməkdaşları fiziki olaraq onun qarşısında dura bilmirlər, lakin adamların gəlişi tək… su vermədən, yanğını susuz söndürə bilmərik. Bundan irəli gələrək, suyun təyinat yerinə çatdırılması üçün texnika yolların salınması üzərində işləyir.

Külək əsərsə bu təhlükə yaradar. Külək əsməsə, gecə yenə yanğın ocaqlarının üzərində işləyəcəyik, sabah daha yaxşı vəziyyət olacaq. Külək əssə, yayılma təhlükəsi var, ərazilərə daha da yayıla bilər, lakin lokallaşdırmışıq, kəndlərin yaxınlığında qarşısı alınıb, kəndlərə keçməməsi üçün maşınlar səfərbər olunub. Külək güclənməsə, bu halda sabah bizdə daha az yanğın ocaqları olacaq. Yanğın ocaqlarının sayını müəyyən etmək çətindir . Həm dronlar , həm də helikopterlər işləyir , ikisi əsasdır, kiçik-kiçik yanğın ocaqlarıdır, köhnələrdə də qalıb, təpələrə, otlara yayılıb”- deyə Borcomi Munisipalitetində olan Vaxtanq Qomelauri bildirib.

Bununla yanaşı, Vaxtanq Qomelauri indiki mərhələdə əhalinin təxliyəsinə ehtiyacın olmaması ilə bağlı məlumata sahib olduğunu bildirib.