Yanğının lokallaşdırılması hava şəraitindən asılıdır -bu barədə Gürcüstanın daxili işlər naziri Vaxtanq Qomelauri jurnalistlərə Borcomidə yanğınsöndürmə işləri ilə bağlı bildirib.

“Bu gün aviasiyaya üç təyyarə əlavə edildi. Türk tərəfinə, dostlarımıza təşəkkür etmək istəyirəm. Helikopterlər səhər işləyirdi, lakin küləkli idi və onlar çətinlik çəkdilər , bir neçə saat küləkdə işləyə bilmədilər. Aviasiya maksimal şəkildə, çox yüksək səviyyədə işlədi, nəticə göz qabağındadır, yanğın ocaqları və genişlənmə arealı nisbətən azalıb”- deyə Vaxtanq Qomelauri bildirib.

Yanğının arealının artıb-artmadığı sualına gəlincə, nazirin sözlərinə görə, o, qırmızı zonadan kənara çıxmayıb.

“Lakin dünən yanğının olmadığı yerdə bu gün yanğın qeydə alındı, yeni ocaqlar var. Şam ağacları olan yerdə, daha çox orada meydana gəlirdi. Borcomidəki yanğını xatırlayırsınızmı, orada bütün ərazi, hər şey yanırdı, burada belə deyil. Kiçik-kiçik ocaqlar var. Ərazinin miqyası böyükdür, lakin yanğının miqyası nisbətən azdır. Yanğınsöndürən maşınlar mümkün qədər aşağı tərəfə, Atsğuri istiqamətində, Dabla kəndi yaxınlığına göndərilib. Hansısa möcüzə, tufan və fəlakət baş verməsə, yanğının əhaliyə keçməsi təhlükəsi yoxdur. Yanğının lokallaşdırılması hava şəraitindən asılıdır. Külək olarsa, helikopterlər işləyə bilməyəcək” – deyə Qomelauri bildirib.

Daxili işlər naziri Türkiyə, Ermənistan və Azərbaycana təşəkkür edib.

“Mən Azərbaycan tərəfinə, dostlarımıza təşəkkür etmək istərdim. Erməni tərəfinə də, bizə texnika ilə köməklik etməyi təklif etdilər, lakin bizdə də texnika var, ancaq dayanmış vəziyyətdədir. Fiziki cəhətdən işləyə bilmirik, belə bir relyefdir. Yanğınsöndürən təyyarə böyük lüksdür və onlarda yoxdur, əks halda bizə kömək edərdilər. Türkiyə tərəfi bu işdə bizə kömək etdi və buna görə onlara təşəkkür edirik. Yanğın təyyarəsi böyük bir lüksdür və hər ölkədə yoxdur, Avropanın bir çox yerində yanğınlar var və hər kəsin öz problemi var. Analitiklər dünənlə müqayisədə yanğının xeyli azaldığını bildiriblər. Təbii ki, tüstülənmə var. Bu gün külək nisbətən az idi və görülən işlər nəticə verdi” – deyə Vaxtanq Qomelauri bildirib.

O , yanğının Bakı-Ceyhan kəmərinə yaxınlaşması təhlükəsinin olmadığını bildirib.

“Qırmızı xətt 130-dan 150-yə qədər idi, indi 10 artmış olmalıdır. Üstəlik, canlı qüvvə və texnikanın səfərbər olunduğu yerdə yanğın hasarını çəkmək üçün qırmızı xətti bir az da çəkdilər. Mənə yanğının Bakı-Ceyhan kəmərinə yaxınlaşması təhlükəsinin olmadığı bildirildi”-deyə Qomelauri bildirib.