Aksiyanın təşkilatçıları və iştirakçılarının Hökumət Administrasiyası qarşısında ictimai asayişi qorumaq üçün səfərbər edilmiş polislərə meydan oxumağa, onlarla münaqişəyə girməyə necə cəhd göstərdiklərini ictimaiyyət yaxşı gördü-bu haqda Vaxtanq Qomelauri qanunverici orqanda çıxışı zamanı deyib.

Vaxtanq Qomelaurinin qeyd etdiyi kimi, üzərində bıçaq olan şəxsin saxlanılması zamanı Daxili İşlər Nazirliyinin əməkdaşı xəsarət alıb.

“Aksiyanın üçüncü gününə gəlincə, parlament binasının ətrafına polis kordonu artıq səfərbər olunmamışdı, çünki binada iş prosesi başa çatmışdı və orada heç kim yox idi. Biz qanunverici orqanın ərazisini tamamilə tərk etdik və polislər təhlükəsizliyi qorumaq məqsədilə Rustaveli prospekti üzrə bölündülər. Aksiya dinc şəraitdə keçirdi, lakin bu halda da əsas məqsəd süni şəkildə münaqişə yaratmaq idi və yəqin ki, məhz bu səbəbdən hökumətin dəftərxana binasına getmək qərarını verdilər. Aksiyanın təşkilatçıları və iştirakçılarının Hökumət Administrasiyası qarşısında ictimai asayişi qorumaq üçün səfərbər edilmiş polislərə meydan oxumağa, onlarla münaqişəyə girməyə necə cəhd göstərdiklərini ictimaiyyət yaxşı gördü. Onlar həmçinin inzibati binaya da basqın etməyə çalışırdılar, hökumətin dəftərxana binasının basqın edilərək ələ keçirilməsi ilə bağlı çağırışlar eşidilirdi, polislərə təzyiq edir, sözlü təhqir edirdilər, müxalifət partiyalarının nümayəndələri xüsusilə aktivlik edirdilər, adlarını burada çəkməyəcəm. Televiziya efirində də onların polislərə müraciətləri, zorakı çağırışları aydın eşidilirdi. İctimaiyyət hüquq-mühafizə orqanlarının əməkdaşları tərəfindən tezliklə saxlanılan və onların yanında bıçaqla silahlanmış etirazçının dayandığını gördü. Onun saxlanılması prosesində əməkdaşımızın əlinə də eyni bıçaqla xəsarət yetirildi”- Vaxtanq Qomelauri açıqlayıb.