Gürcüstanın xarici işlər nazirinin Brüsselə səfəri Gürcüstan-Avropa İttifaqı arasında dinamik və intensiv münasibətlərin daha bir əlamətdar nümunəsidir – Gürcüstanın Avropa İttifaqında missiyasının rəhbəri Vaxtanq Maxaroblişvili xarici işlər naziri İlia Darçiaşvilinin Brüsselə səfərini belə qiymətləndirib.

O, səfər çərçivəsində nazirin Avropa Komissiyasının nümayəndələri ilə görüşlər keçirəcəyini bildirib.

Genişlənmə və Qonşuluq Siyasəti Məsələləri üzrə Avropa komissarı da daxil olmaqla, müxtəlif Avropa komissarları ilə görüşlər keçiriləcək. Görüş həmçinin Avropa Komissiyasının Genişlənmə üzrə Baş Direktorluğunun baş direktoru ilə də keçiriləcək. Səfər çərçivəsində nazir Avropa İttifaqına üzv ölkələrin daimi nümayəndələri ilə də görüşəcək.

“Görüşlərin əsas mövzusu 12 prioritetin həyata keçirilməsidir. Bildiyiniz kimi, son vaxtlar bir sıra çox mühüm addımlar atılıb, bundan irəli gələrək, qeyd olunan məlumatları avropalı həmkarlara bir daha çatdırmaq, onların qiymətləndirmələrini dinləmək olduqca vacib olacaq. Bundan əlavə, Avropa komissarları ilə Gürcüstan və Avropa İttifaqının sektoral inteqrasiyası baxımından gələcək addımların həyata keçirilməsinə də toxunulacaq. Aİ-yə üzv ölkələrin səfirləri ilə isə söhbətdə 12 prioritetin həyata keçirilməsindən başqa, Gürcüstan-Aİ münasibətlərinin gündəmindəki bütün mövzulara, o cümlədən təhlükəsizlik mövzularına, Rusiyanın Ukraynaya təcavüzü və onun ölkəmizə təsiri, regionda ümumi təhlükəsizlik vəziyyəti ilə bağlı söhbət aparılacaq. Gürcü tərəfi növbəti dəfə avropalı həmkarlarına işğal olunmuş ərazilərdə mövcud vəziyyətlə bağlı yenilənmiş məlumat verəcək”-deyəVaxtanq Maxaroblişvili açıqlayıb.

Qeyd etmək lazımdır ki, 2023-cü ilin 25-26 sentyabr tarixlərində Gürcüstan Xarici İşlər Nazirliyinin rəhbəri Brüsseldə işgüzar səfərə gedəcək və səfər çərçivəsində Avropa Komissiyasında görüşlər keçirəcək.