Vahid milli imtahanlar üçün bələdiyyə avtobuslarının əlavə marşrutları təyin ediləcək
Vahid milli imtahanlarda iştirak edən şəxslərin daşınmasını təmin etmək məqsədilə paytaxt meriyası əlavə bələdiyyə avtobus marşrutları təyin edəcək. Bu barədə Tbilisi meri Kaxa Kaladze bələdiyyə hökumətinin iclasında bildirib.
Onun sözlərinə görə, avtobuslar “Akhmeteli Teatri”, “Didube” və “Samgori” metro stansiyalarının yuxarı çıxışlarının yaxınlığından hərəkət edəcək.
“İmtahanlarda iştirak edənlərin nəqliyyatla təmin edilməsi məqsədilə Tbilisi meriyası əlavə ictimai nəqliyyat marşrutları təşkil edəcək. Qiymətləndirmə və İmtahanlar Milli Mərkəzinin müəyyən etdiyi imtahan dövründə — 2 iyuldan 30 iyula qədər — imtahan mərkəzləri olan 39-cu, 103-cü, 147-ci, 160-cı, 175-ci, 177-ci, 181-ci və 191-ci dövlət məktəbləri istiqamətində xüsusi marşrutlar fəaliyyət göstərəcək”, – deyə Kaxa Kaladze bildirib.
Onun məlumatına görə, imtahan və müsabiqələrdə iştirak edən şəxslərə ictimai nəqliyyat saat 06:00-dan 20:00-dək xidmət göstərəcək.