USAİD-in Gürcüstandakı nümayəndəliyi Gürcüstan parlamentinin spikeri Şalva Papuaşvilinin bəyanatına cavab verib.

USAID-in Gürcüstandakı nümayəndəsinin Birinci Kanala verdiyi məlumata görə, onların Gürcüstan hökuməti ilə daimi, açıq və şəffaf ünsiyyəti var.

“ABŞ hökuməti USAID vasitəsilə ölkənin dəstəyinin bir hissəsi kimi və Gürcüstanın xeyrinə tolerantlığı dəstəkləmək üçün bir çox təşkilatlarla işləyir. Bizim proqramlarımızın Gürcüstanın Avro-Atlantik istəklərini necə dəstəklədiyi ilə bağlı Gürcüstan hökuməti ilə daimi, açıq və şəffaf ünsiyyətimiz var”, – təşkilatdan bildirilib.

Şalva Papuaşvili bu gün bildirib ki, Beka Mindiaşvilinin rəhbərlik etdiyi Gürcüstanda fəaliyyət göstərən “Tolerantlıq Mərkəzi” USAİD-in proqramı çərçivəsində maliyyələşdirilir. Parlament sədrinin sözlərinə görə, Beka Mindiaşvili dini isteriya yaratmaqla tanınır.

Bundan əlavə, Şalva Papuaşvili USAİD rəhbərliyinə müraciət edib ki, məsələni anlasınlar və Amerika və gürcü xalqının mənafeyindən çıxış etsinlər.