Aİ prezidentliyinin bu müddəti sona çatmaq üzrədir və dünənki qərarlarla Avropa İttifaqı, qonşuluğumuz və dostluğumuz üçün möhtəşəm xəbərlərlə yeni il başlayır, qərar genişlənmə prosesinin davam etdirilməsinə aiddir, bu da ortaq tariximizdə əlamətdar bir hadisə olacaq-bu barədə Avropa Komissiyasının Prezidenti Ursula fon der Laien açıqlayıb.

Ursula fon der Laien bildirib ki, dekabrın 14-də qəbul edilən qərarlar Avropa İttifaqının verdiyi vədləri yerinə yetirdiyini göstərir.

“Ukrayna və Moldova ilə üzvlük danışıqlarına başlamaq barədə qərar qəbul etdik, Gürcüstana namizəd statusu vermək barədə qərar qəbul etdik. Bosniya və Herseqovina ilə onlar meyarların müvafiqliyinin kifayət səviyyəsinə çatan kimi danışıqlara başlamağa dair qərar qəbul etdik. Biz Birlikdən kənar bütün altı Qərbi Balkan tərəfdaşına münasibətdə kollektiv öhdəliyimizi qəti şəkildə təsdiqləmişik. Düşünürəm ki, dünənki qərarlar Avropa İttifaqının verdiyi vədlərə əməl etdiyini göstərir. Bu gün genişlənmənin səbəbləri bu qədər çox münaqişələrlə sarsılan dünyada heç vaxt bu qədər güclü olmamışdır. Bu, qitəmizin sabitliyinə, təhlükəsizliyinə və rifahına qoyulan sərmayədir. Bu, uca və vahid demokratiyalara böyük sərmayədir” – Ursula fon der Laien açıqlayıb.

Bundan əlavə, Ursula fon der Laien Gürcüstanı Aİ-yə namizəd ölkə statusu alması münasibətilə bir daha təbrik edib.

“İlk növbədə Gürcüstanı təbrik edirəm. Yaxşı iş görməyə davam edin, siz Avropasınız. Aİ-yə qoşulmağınızı istəyirik və gəlin birlikdə işləyək”– Ursula fon der Laien açıqlayıb.