“Bayraktar” dörd rus hərbi karvanını dayandırdı və düşmənin ümumi itkisi isə artıq təxminən on iki minə yaxındır, – bu barədə Ukrayna mətbuatı Ukrayna Baş Qərargahının məlumatlarına istinadən xəbər yayır.

Mətbuatın məlumatına görə, pilotsuz uçuş aparatı Sumi vilayətində tank karvanlarına qarşı əməliyyat keçirib.

Ukrayna Ordusunun Baş Qərargahının məlumatına görə, fevralın 24-dən Ukrayna Ordusu Rusiya işğalçı qüvvələrinin 12 minə qədər əsgərini məhv edib.

Onların verdiyi məlumata görə, Rusiya ordusu Ukraynada həmçinin
303 tank, 1036 zirehli döyüş maşını, 56 reaktiv yaylım atəş sistemi, 27 hava hücumundan müdafiə sistemi, 48 təyyarə, 80 helikopter, 474 nəqliyyat vasitəsi, 3 gəmi, 60 yanacaq sisterni və 7 əməliyyat-taktiki səviyyəli pilotsuz uçuş aparatı itirib.