ABŞ səfirliyi Ukraynanı tərk edib — bu barədə Kaja Kallas Kiprdə Avropa İttifaqı xarici işlər nazirlərinin qeyri-rəsmi görüşü başlamazdan əvvəl bildirib.

Kallasın sözlərinə görə, Rusiyanın təhdidlərindən sonra Ukraynanı tərk edən yeganə səfirlik ABŞ səfirliyi olub.

“Dünən Ukraynadan da eşitdik ki, bir səfirlik istisna olmaqla, bütün səfirliklər qalıb. Bu da həmin səfirliklərdən cəsarət tələb edir. Bəli, bütün Avropa dövlətləri qaldı, Amerika isə getdi”, — deyə Kallas qeyd edib.

Lakin bu məlumat Ukrayna Xarici İşlər Nazirliyi tərəfindən təkzib olunub.

“ABŞ səfirliyinin çıxması ilə bağlı məlumat həqiqətə uyğun deyil”, — deyə nazirliyin nümayəndəsi bildirib.

Rusiya Xarici İşlər Nazirliyi mayın 25-də yaydığı bəyanatda qeyd edib ki, Rusiya ordusu qərar qəbuletmə mərkəzlərinə və komanda məntəqələrinə ardıcıl zərbələr endirəcək və beynəlxalq missiyaları Kiyevi tərk etməyə çağırıb.