Ukrayna Xarici İşlər Nazirliyi Mixeil Saakaşvili ilə bağlı bəyanat yayır

Ukrayna Xarici İşlər Nazirliyi Mixeil Saakaşvili ilə bağlı bəyanat yayıb.

“Dünən Mixeil Saakaşvilinin Qori Hərbi Hospitalından həbsxanaya köçürülməsi cəhdi müvafiq qaydalara uyğun həyata keçirilməyib. Vəkillərin bu barədə məlumatı olmayıb. Mixeil Saakaşvilinin səhhəti buna imkan vermir və onun əlavə reabilitasiyaya ehtiyacı var.

Biz Gürcüstan hakimiyyətini Ukrayna vətəndaşına hörmətlə yanaşmağa və onun həyatı və sağlamlığına təhlükə yaradan hər hansı hərəkətə yol verməməyə çağırırıq.
Ukrayna diplomatları Gürcüstanda fəaliyyətini davam etdirir və bu vəziyyət ciddi nəzarət altındadır, həmçinin Gürcüstan hökuməti və Mixeil Saakaşvilinin vəkilləri ilə daimi dialoqdadır. Ukrayna konsulu sabah Mixeil Saakaşvili ilə Gürcüstana buraxılacaq.

Gürcüstan tərəfi ukraynalı həkimlərə Ukrayna vətəndaşı olan Saakaşvilini tibbi müayinədən keçirmək hüququ verməlidir.

Biz humanitar məqsədlər, müalicə və reabilitasiya əsasında Mixeil Saakaşvilinin Ukraynaya qayıtması məsələsi üzərində işləyirik. Belə bir addımın atılması zərurəti kifayət qədər aydın və birmənalıdır”, – bəyanatda deyilir.