Martın 11-də Ukraynanın Rusiya qoşunlarının hücumuna məruz qalan yaşayış məntəqələrindən müxtəlif bölgələr istiqamətlərdə 12 humanitar dəhliz açılacaq-bu barədə Ukraynanın müvəqqəti işğal olunmuş ərazilər və reinteqrasiya naziri İrina Vereşçuk bu gün keçirilən brifinqdə bildirib.

“Biz yeni humanitar marşrutlar açırıq. “Yaşıl dəhlizlər” aşağıdakı istiqamətlərdə fəaliyyət göstərəcək: Mariupol-Zaporojye, Poloq-Zaporojye, Volnovaxa-Pokrovski, Enerqodar-Zaporojye, İzium-Lozovaiya, Buça-Kiyev, Hostomel-Kiyev, Kozaroviç-Kiyev, Mikuliç-Kiyev, Andreevka-Jitomir, Makarov-Jitomir, Borodianka-Jitomir”-deyə Vereşçuk qeyd edib.

Onun sözlərinə görə, hakimiyyət əhaliyə ərzaq, su və dərmanların çatdırılması üçün Xerson, Çerniqov, Xarkov və digər bölgələrə humanitar dəhlizlərin yeni marşrutları üzərində işləyir.