Ukrayna tərəfindən Sevastopola Amerikanın "ATACMS" sistemi ilə raket hücumundan sonra Kreml ABŞ-a cavab tədbirləri ilə bağlı xəbərdarlıq edir

17:42, 24.06.2024

Rusiya tərəfindən işğal edilmiş Sevastopola Ukraynanın Amerikanın “ATACMS” sistemi ilə zərbə endirməsindən sonra Kreml ABŞ-a cavab tədbirləri ilə bağlı xəbərdarlıq edir.

Raket hücumu nəticəsində işğal altındakı Krımda azı 4 nəfər həlak olub və 151 nəfər yaralanıb.

“Reuters”in xəbər verdiyi üzrə, Moskva ABŞ-ın səfirinə cavab tədbirlərinin olacağı haqda rəsmi məlumat verib.

Moskva Vaşinqtonu Rusiyaya qarşı hibrid müharibə aparmaqda və münaqişənin faktiki hissəsinə çevrilməkdə ittiham edib.

Rusiyanın bəyanatına əsasən, hücum “cəzasız qalmayacaq” və “mütləq cavab tədbirləri ilə müşaiyət olunacaq”.

Müəllif - Sevinj Mustafaeva

Dünya