Ukrayna Birləşmiş Qüvvələrinin Baş Qərargahında rus hərbçilərin hərbi əməliyyatları davam etdirdiyi , lakin onların irəliləyişinin əhəmiyyətli dərəcədə azaldığı bildirilir.

Baş Qərargahdan verilən məlumata görə, silahlı qüvvələr cənub, şərq və şimal əməliyyat zonalarında müdafiə əməliyyatlarını davam etdirir. Rusların ciddi irəliləyiş əldə etmədiyi paytaxt Kiyevin ətraflarında döyüşlər gedir, həmçinin Çerniqov şəhəri müdafiə olunur; Cənub əməliyyat zonasında sahil zolağının qorunması üçün müdafiə əməliyyatları aparılır.

Bununla yanaşı, Ukrayna Hərbi Hava Qüvvələri hava-raket hücumlarını və Rusiyanın havadan zərbə vasitələrini uğurla dəf edir, həmçinin kritik hədəfləri və silahlı qüvvələrin qruplarını müdafiə edir. Digər istiqamətlərdə sabitləşdirmə əməliyyatları və ərazi müdafiəsi tapşırıqları yerinə yetirilir.

Qurumun məlumatına görə, Rusiya silahlı qüvvələri ruhdan düşüb və Ukraynanın müxtəlif şəhərlərində getdikcə daha çox quldurluq törədilir və beynəlxalq humanitar hüququn normaları pozulur. Baş Qərargahın məlumatına görə, müvəqqəti işğal olunmuş şəhərlərdə Rusiya əhaliyə təsir göstərmək üçün psixoloji döyüş bölmələrindən istifadə edir.