Ukraynanın baş prokurorluğu Gürcüstanın sabiq prezidenti Mixeil Saakaşviliyə qarşı istintaq prosesini dayandırdı.

Bu barədə məlumatı prokurorluğun mətbuat katibi Anrey Lisenko öz Facebook səhifəsində yazırb

Prokurorluğun nümayəndəsi qeyd edir ki, martın 6-da baş prokurorluq Hollandiyaya Mixeil Saakaşvili ilə bağlı prosesual və istintaq hərəkətlərinin həyata keçirilməsində yardım üçün müraciət göndərdi.

Prokurorluqda bəyan edirlər ki, istintaqın dayandırılması da bu xahiş ilə bağlıdır.

NewsOne-la müsahibədə Mixeil Saakaşvili ona qarşı istintaqın davam etməsini və onun Ukraynaya buraxılmasını tələb edir.

“Vəziyyət məlumdur: onlar lap dibə düşüblər və indi təsdiqləndi ki, Kurçenko ilə söhbətim olmayıb, bu montaj idi, mən istintaqın davam etməsini və mənim Ukraynama buraxılmağımı tələb edirəm” – dedi Mixeil Saakaşvili.