Rusiya gecə saatlarında Ukrayna istiqamətində 11 pilotsuz uçuş aparatı buraxıb, Ukrayna müdafiə qüvvələri onların hamısını zərərsizləşdirməyə müvəffəq olublar. Ukrayna Silahlı Qüvvələrinin Hava Qüvvələrinin baş komandanı Nikolay Oleşçukun bildirdiyinə görə, pilotsuz təyyarə Kiyev, Dnepropetrovsk, Xarkov, Sumı və Donetsk bölgələrində vurulub.

Paralel olaraq, Rusiya Müdafiə Nazirliyində gecə saatlarında Rusiyanın hava hücumundan müdafiə sistemlərinin Belqorod və Kursk vilayətlərində dörd ukrayna pilotsuz təyyarəsini məhv etdiyini bildirirlər.

“Ötən gecə ərzində Kiyev rejimi pilotsuz uçuş aparatlarından istifadə etməklə Rusiya ərazisində terror aktına cəhd edib. Hava hücumundan müdafiə Belqorod və Kursk vilayətlərinin ərazilərində dörd pilotsuz təyyarəni məhv edib”, – Rusiya Müdafiə Nazirliyinin bəyanatında qeyd olunub.