Ukrayna kəşfiyyatının əməliyyatı nəticəsində Zaporojye vilayətində “Fırtınalı Osetiya” batalyon qərargahının komandiri öldürülüb

Ukrayna kəşfiyyatının keçirdiyi əməliyyat nəticəsində Zaporojya vilayətində “Fırtınalı Osetiya” batalyonunun qərargahının komandiri Sergey Melnikov öldürülüb.

Bu, Rusiya Silahlı Qüvvələrinin 429-cu motoatıcı legionunun tərkibinə daxil olan qırıcı qrupdur.

Batalyon qərargah rəisinə hücum dekabrın 29-da baş verib. Yayılan məlumata görə, “Kraken” xüsusi təyinatlı dəstəsinin əsgərləri Rusiya qoşunlarının batalyon qərargah rəisinin hərəkət marşrutu və qrafiki barədə əməliyyat məlumatı alıblar. Hava Kəşfiyyatı zabitləri FPV pilotsuz uçan aparatından istifadə edərək pusqu qurdular. Əməliyyat zamanı kəşfiyyatçılar Melnikovun idarə etdiyi “UAZ Patriot” markalı avtomobilin sürücüsünü yolu dəyişdirməyə məcbur ediblər. Avtomobil xəndəyə düşüb, bundan sonra hərbçilər “kamikadze” pilotsuz uçan aparatla hücuma keçiblər.

“Fırtınalı Osetiya” Şimali Osetiya-Alaniya Respublikasında yaradılmış və Ukrayna ərazisində döyüş əməliyyatlarında iştirak edən könüllü hərbi birləşmədir. Bölmədə işğal olunmuş Cənubi Osetiyadan olan könüllülər də döyüşür.