Son bir neçə saat ərzində Rusiya 14 raket və 17 “kamikadze” pilotsuz təyyarə ilə Ukraynaya hücum edib. Ukrayna hərbçiləri 7 raket və 17 pilotsuz uçuş aparatını məhv edib. Bu barədə Ukrayna Hərbi Hava Qüvvələri məlumat yayıb.

Bundan başqa, Rusiya hərbçilərinin Xarkov vilayətinə həyata keçirdiyi hava hücumu nəticəsində yanğın baş verib, yaşayış binaları və avtomobillər yanıb, lakin xəsarət alan olmayıb.

Eyni zamanda, Rusiya Müdafiə Nazirliyi son 24 saat ərzində Rusiya Hava Hücumundan Müdafiə Qüvvələrinin öz ərazisində tapılan 87 Ukrayna təyyarəsini məhv etdiyini açıqlayıb.

Məlumata görə, pilotsuz uçuş aparatları Rostov vilayəti, Kursk, Belqorod və Krım ərazilərində aşkar edilib. Rostov vilayətinin qubernatorunun sözlərinə görə, hücum nəticəsində bir neçə yaşayış məntəqəsi işıqsız qalıb.