Ukrayna Hərbi Hava Qüvvələri Komandanlığının məlumatına görə, Aİ yardımı çərçivəsində Ukrayna 70 döyüş təyyarəsi alacaq

10:09, 01.03.2022

Ukrayna Silahlı Qüvvələri Aİ-nin yardımı ilə 70 hərbi təyyarə alacaq. Bu barədə məlumatı Ukrayna Hərbi Hava Qüvvələrinin komandanlığı “Facebook” sosial şəbəkəsində yayıb.

“Tərəfdaşlarımız MiQ-29 və Su-25-ləri təhvil verəcəklər! Lazım gələrsə, onları ukraynalı pilotların döyüş tapşırıqlarını yerinə yetirəcəkləri Polşa aerodromlarında yerləşdirmək mümkün olacaq”, – məlumatda deyilir.

Ukrayna hərbçilərinin sözlərinə görə, Ukrayna təyyarələri Aİ-nin üç ölkəsindən alacaq. O cümlədən, Polşa 28 MiQ-29, Slovakiya 12 MiQ-29, Bolqarıstan isə 16 MiQ-29 və 14 Su-25 təyyarəsi tədarük edəcək.

Xatırladaq ki, Avropa İttifaqı Ukraynaya silahların alınması və tədarükü üçün 450 milyon avro ayırıb.

Dünya